سوق كوم

تعرف ما هو سوق كوم ؟ بتاع ايه يعني :D ؟

سوق كوم هو اكبر واشهر موقع تجارة الكترونية في الشرق الأوسط. اتأسس سنة 2005 بواسطة رونالدو مشحور رجل الأعمال السوري (كان لاعب كرة سلة بالمناسبة :D) بالتعاون مع مجموعة شركات جبار الامارتية وطبعا رونالدو كان المدير التفيذي لسوق كوم قبل ما تشتريه شركة امازون الامريكية سنة 2017.

سوق كوم تقدر تبيع وتشتري عليه منتجات كتير جدا والأهم انه بيوفر للعملاء طرق آمنة للدفع اونلاين واستلام المنتجات عن طريق اشهر شركات الشحن عشان يضمن إن المنتج يوصلك بحالة سليمة وفي الميعاد ، وتقدر كمان تبيع على سوق كوم عن طريق التسجيل و فتح حساب على الموقع و تعرض صورة للمنتج بتاعك مع مواصفاته و سعر البيع و بمجرد ما يتباع المنتج وتعدي فترة السماح للعميل بالاستبدال والاسترجاع بيتم تحويل المبلغ لحسابك على موقع سوق كوم المربوط طبعا بحسابك في البنك.

يتميز سوق كوم بالتنوع في المنتجات واشهرها:

سوق كوم موبايلات وطبعا هتلاقى أشهر ماركات الموبايلات في مصر مثلا ايفون – سامسونج – سوني …الخ ، سوق كوم تابلت ، سوق كوم كمبيوترات و اللاب توب بأشهر الماركات العالمية زي ابل – ديل – سوني – لينوفو ...الخ ، سوق كوم للملابس وده قسم كبير جدا هتلاقي فيه ملابس حريمي وملابس رجالي واطفالي وكمان ملابس رياضية وتقريبا جميع الاشكال والبراندات العالمية ، سوق كوم احذية رجالي وحريمي واطفالي براندات عالمية زي اديداس وكونز ...الخ ، سوق كوم اكسسوارات ، سوق كوم شنط حريمي ورجالي ، سوق كوم لعب أطفال ، سوق كوم للتحف والانتيكات ، سوق كوم ادوات البيت وفيها باردو اقسام كتير زي ادوات المطبخ – مراوح – ميكرويف – ثلاجات – سجاد – اجهزة كهربائية...الخ ، سوق كوم للصحة والجمال ، سوق كوم للساعات حريمي و رجالي ، حتى منتجات البقالة و السوبر ماركت دلوقتى بتتباع على سوق كوم ومنتجات كتير جدا مش هنقدر نحصرها كلها لكن المهم اننا وصلنا لإجابة السؤال وعرفت ايه هو موقع سوق كوم وتقدر من خلاله تشتري ايه.

خدمات تهمك عن سوق كوم:

• خدمة الشحن من قبل سوق كوم يعنى المنتج بيتخزن ويتوصل بمعرفة الموقع وغالبا بيحافظوا على المنتجات في حالة ممتازة وبيوصلك في الميعاد المتفق عليه واحيانا بيكون في نفس اليوم وطريقة تعاملهم مع العملاء ممتازة وممكن تلاقي عرض الشحن مجاني على بعض المنتجات.

• الدفع عند الاستلام وطبعا دي خدمة ممتازة تخليك تدفع كاش للمندوب الل هيسلمك المنتج عشان بعض الناس مش عندها فيزا كارد أو مش بتحب تستخدم الفيزا كارد في عمليات الشراء اونلاين لكن لها شروط معينة مثلا لا يزيد سعر المنتج عن 6 الاف جنيه مصري وطبعا لو رفضت الاستلام من غير سبب قوي ممكن يوقفوا الاكونت بتاعك.

• صفقة اليوم من سوق كوم ، تقريبا بمعدل كل يوم بيعملوا تخفيض علي سعر منتجات معينة أو تاخد مع المنتج هدية عشان يشجعوا الناس تشتري ويزودوا مبيعاتهم.

• مواعيد عمل سوق كوم مصر لو حبيت تتصل تستفسر عن اي حاجة من الساعة 9 صباحا الى الساعة 9 مساءا ماعدا الجمعة من الساعة 1:30 الى 9 مساءا اتصل على الرقم ده (+02) 19932 لو عاوز خدمة العملاء اما لو عاوز تتكلم بخصوص شراء منتجات اتصل على الرقم ده (+20) 21602100 موقع "بتفرق" بيعتبر سوق كوم من أهم واقوي مواقع التسوق اونلاين وبنجيب كل الجديد عندهم في قسم الموبايلات وقسم التابلت وان شاء الله قريب هنزود اقسام تانية من المنتجات. لو عاوز تشوف افضل عروض الموبايلات واسعار الموبايلات في مصر من سوق كوم من هنا ، وانواع التابلت واسعارها من هنا.