جوميا

تعرف ما هو سوق جوميا ؟ بتاع ايه يعني :D ؟

جوميا من اكبر واشهر موقع تجارة الكترونية في افريقيا المعروف رسميا باسم افريقيا انترنت جروب . اتأسس سنة 2012 بواسطة جيرمي هودارا و ساشا بوجونوننك والموقع بيشتغل في 11 دولة افريقية منها كانت بدايتهم في نيجيريا وبعد كده انتشر الموقع في دول زي مصر والمغرب وساحل العاج .

جوميا تقدر تبيع وتشتري عليه منتجات كتير جدا والأهم انه بيوفر للعملاء طرق آمنة للدفع اونلاين واستلام المنتجات عن طريق اشهر شركات الشحن عشان يضمن إن المنتج يوصلك بحالة سليمة وفي الميعاد ، وتقدر كمان تبيع على جوميا عن طريق التسجيل و فتح حساب على الموقع و تعرض صورة للمنتج بتاعك مع مواصفاته و سعر البيع و بمجرد ما يتباع المنتج وتعدي فترة السماح للعميل بالاستبدال والاسترجاع بيتم تحويل المبلغ لحسابك على موقع سوق كوم المربوط طبعا بحسابك في البنك.

يتميز جوميا بالتنوع في المنتجات واشهرها:

جوميا موبايلات وطبعا هتلاقى أشهر ماركات الموبايلات في مصر مثلا ايفون – سامسونج – سوني …الخ ، جوميا تابلت ، جوميا كمبيوترات و اللاب توب بأشهر الماركات العالمية زي ابل – ديل – سوني – لينوفو ...الخ ، جوميا للملابس وده قسم كبير جدا هتلاقي فيه ملابس حريمي وملابس رجالي واطفالي وكمان ملابس رياضية وتقريبا جميع الاشكال والبراندات العالمية ، جوميا احذية رجالي وحريمي واطفالي براندات عالمية زي اديداس وكونز ...الخ ، جوميا اكسسوارات ، جوميا شنط حريمي ورجالي ، جوميا لعب أطفال ، جوميا للتحف والانتيكات ، جوميا ادوات البيت وفيها باردو اقسام كتير زي ادوات المطبخ – مراوح – ميكرويف – ثلاجات – سجاد – اجهزة كهربائية...الخ ، جوميا للصحة والجمال ، جوميا للساعات حريمي و رجالي ، حتى منتجات البقالة و السوبر ماركت دلوقتى بتتباع على جوميا ومنتجات كتير جدا مش هنقدر نحصرها كلها لكن المهم اننا وصلنا لإجابة السؤال وعرفت ايه هو موقع جوميا وتقدر من خلاله تشتري ايه.

خدمات تهمك عن جوميا:

• خدمة الشحن جوميا اكسبريس يعنى المنتج بيتخزن ويتوصل بمعرفة الموقع وغالبا بيحافظوا على المنتجات في حالة ممتازة وبيوصلك في الميعاد المتفق عليه واحيانا بيكون في نفس اليوم وطريقة تعاملهم مع العملاء ممتازة وممكن تلاقي عرض الشحن مجاني على بعض المنتجات.

• خدمة الشحن جوميا جلوبال لما تطلب منتج من بلد تانية جوميا تقدر توصلهولك لحد البيت عن طريق الخدمة دى بس هي غالية شويتين :D

• مراكز استلام المنتجات المتاحة بمحافظات مصر كلها و بالأخص في اماكن كتير في القاهرة لو مش عاوز تتكلف مصاريف شحن أو مستعجل على الاستلام.

• الدفع عند الاستلام وطبعا دي خدمة ممتازة تخليك تدفع كاش للمندوب الل هيسلمك المنتج عشان بعض الناس مش عندها فيزا كارد أو مش بتحب تستخدم الفيزا كارد في عمليات الشراء اونلاين لكن لها شروط معينة مثلا لا يزيد سعر المنتج عن 6 الاف جنيه مصري وطبعا لو رفضت الاستلام من غير سبب قوي ممكن يوقفوا الاكونت بتاعك.

• مواعيد عمل جوميا مصر لو حبيت تتصل تستفسر عن اي حاجة من السبت للخميس الساعة 10 صباحا الى الساعة 7 مساءا اتصل على الرقم ده (+2) 19586 موقع "بتفرق" بيعتبر جوميا من أهم واقوي مواقع التسوق اونلاين وبنجيب كل الجديد عندهم في قسم الموبايلات وقسم التابلت وان شاء الله قريب هنزود اقسام تانية من المنتجات. لو عاوز تشوف افضل عروض الموبايلات واسعار الموبايلات في مصر من جوميا من هنا ، وانواع التابلت واسعارها من هنا.