Price

عن الموقع

رؤيتنا

عاوز تشتري موبايل اونلاين ومش عارف تجيب من سوق كوم أو جوميا أو كذا أو كذا ؟!

لما تحب تشترى موبايل اونلاين بتقابلك مشاكل تبدأ من أول ما تدخل على الانترنت تدور علي موبايل معين وتنتهي بإنك تكتب لقيت ايه في كل موقع (السعر – الالوان – تكلفة الشحن – ميعاد الاستلام – تقييم واراء الزوار) وبعدين تبدأ تعمل مقارنة .. لا متفهمش غلط مش أونلاين :D (بورقة وقلم أو في دماغك) عشان تحدد إيه الأنسب لك وتشتريه منين ، ايه ده ! هو ليه مفيش موقع واحد يعمل كل الخطوات دي ونأخد منه الخلاصة…!

احنا لقينا انها "بتفرق!" ، اه وربنا بتفرق جدا لما تقدر تحدد اذا كان الموبايل بمميزاته وعيوبه يناسب استخدامك ولا في موبايل غيره يناسبك أكتر ، "بتفرق!" لما تعرف سعر الموبايل كام في كل المواقع من خلال موقع واحد، "بتفرق!" انك تعرف الالوان المتاحة والكمية الموجودة من موقع واحد، "بتفرق!" انك تقدر تحدد انت عاوز تشتري ايه ومنين وبكام كل ده من موقع واحد

الفكرة ببساطة اننا عملنا موقع مش بيبيع موبايلات عشان رأينا يكون عملي وبعيد عن اي مصلحة أو توصية إنك تشتري من موقع معين وفي نفس الوقت الموقع فيه معلومات تساعدك تشتري الموبايل المناسب ليك ومش مهم تشتريه منين المهم انك تشتري وانت مقتنع بالموبايل وعارف مميزاته وعيوبه وكمان تلاقي عندنا أسعار المواقع كلها فنوفر عليك التدوير. بدأنا بالموبايلات والتابلت لأن ناس كتير بتحتاج تشتريها اونلاين وإن شاء الله هنزود منتجات تانية كتير لما نلاقي الناس بتستفيد من خدمات "بتفرق" وقادرين نوصل الخدمة بشكل مناسب.

اهدافنا

نقدم تجربة مميزة للمستخدم عشان يقدر يحدد الأنسب له ، صعبة دى :D

عارفين إن كل مستخدم شايف الموضوع بشكل مختلف ، مثلاً في مستخدم أهم حاجة عنده مميزات وعيوب الموبايل وواحد تاني أسعار الموبايلات (كلنا أكيد :D) لكن في مستخدم المهم عنده اللون حتى لو هيدفع أكثر وفي مستخدم مستني التخفيض (ايوة شايفك رافع ايدك من الصبح :D) موقعنا بيجيب كل المعلومات من مواقع التسوق وبنعرضها لك وانت بس الل تقرر عاوز تشترى ايه ومنين وسيبك من شغل الاعلانات بتاع انا عندي "ارخص اسعار الموبايلات في مصر" (كل المواقع والمحلات والمولات وعم احمد عندهم أرخص الاسعار :D) و طبعا تقدر تعمل مقارنة مع موبايلات تانية زي ما انت عاوز وتقرأ آراء المستخدمين عن تجربتهم في شراء الموبايل ده ، وكل ده من موقع واحد.

تكوين قاعدة كبيرة من اراء المستخدمين عن الموبايلات في مصر وتقييم مواقع التسوق عشان كل الل يدخل على موقع "بتفرق" يستفيد من اراء الناس وخبراتهم في الشراء وده عامل مهم جدا اذا قررت تشتري (اسأل مجرب). نفيد مواقع التسوق بعرض معلوماتهم في قائمة جدول الأسعار وإذا قرر المستخدم يزور موقعهم ده هيكون فرصة لاتمام عملية بيع ناجحة وده هيكون بناءاً على إختيار المستخدم بدون توصية أو تدخل من موقع بتفرق.

أدوات بتفرق

المقارنة

تقدر تستخدمها في مقارنة الموبايلات مع بعض وتشوف الفرق بين المواصفات والشكل والسعر.

مجموع الدرجات

تقييم خبراء فنيين لمواصفات الموبايل عشان الناس الل مش قادرة تقرأ المواصفات بالتفصيل تشوف رقم يمثل مجموع درجات الموبايل ده بالنسبة لباقي الموبايلات مثال (موبايل سامسونج c9 ) مجموع درجاته 90% (موبايل سامسونج j2 ) مجموع درجاته 60% الرقم ده بيوضح ان الموبايل الأول أكيد مواصفاته وإمكانياته أعلى من الموبايل التانى حتى من غير ماتشوف التفاصيل.

جدول الاسعار

كل موبايل معاه جدول بمواقع وأماكن التسوق مثلا (سوق كوم - جوميا) مكتوب فيه كل التفاصيل (السعر – اللون – طريقة الشحن – الكمية المتاحة – تكلفة الشحن) المعلومات دي يتم تحديثها باستمرار من مواقع التسوق وطبعا هتلاقى وصلة مباشرة لصفحة الموبايل لموقع التسوق الل عاوز تشتري منه.

الأكثر شيوعا

93% Score

8,999 جنيه
92% Score

9,999 جنيه
92% Score

12,999 جنيه
91% Score

11,155 جنيه
91% Score

18,039 جنيه
91% Score

15,499 جنيه
90% Score

9,998 جنيه
90% Score

10,499 جنيه
90% Score

12,250 جنيه
90% Score

12,089 جنيه
89% Score

13,649 جنيه
89% Score

10,799 جنيه